مسادير اهلى السدارنة

Admin المساهمات : 151 تاريخ التسجيل : 06/04/2016

ودالمك السدراني قال
هيلنا الشكره هيلنا النمه والدوبيت
هيلنا الفرسه هيلنا الضكره وأب سوميت
هيلنا الفي وجودو بصنليهو البيت
والشيطان يمين بي عصره جاب الزيت

عباس الطيب قال
هيلنا النيه وايدنا سخيه تب مبسوووطه
هيلنا الركزه في الدالا المقطرن سوووطه
هيلنا الفزعة يوم ترقد رتوتو شحووووطه
هيلنا الدم نحقنو كل الأرض بنجوووطه

السدراني 1#قال
هيلنا الشكره والعزه والقرنيت
هلينا الدوام بضبح وفاتح البيت
هلينا ثبات وخاتين جري الكربيت
هلينا الركزه وسوط المسده والعنجيت

Admin المساهمات : 151 تاريخ التسجيل : 06/04/2016

‪‪‎ ملوك القافيه قصاصين مسارب النم
عنيتكم حافي داير غرضي كان انتم
ي الخوتكم أضحت في خلايا الدم
القلب المصفح من البنات بي كم

بعد ما قلبي هادي من الهموم والغم
عرفتا غراما كان آساني زادني آلم
البي قربو ناقصات المزاج... تنتم
كان فارقتو لحظه تقول ضربني لغم
#أحمد عثمان عتار‪‪‎

Admin المساهمات : 151 تاريخ التسجيل : 06/04/2016

سلام اهلي السدارنه اللي تكونو ابوات.
شامخين كالجبال تلحقو الصايحات.
يــاود اصـول جــود القافيــات.
العز هيل جدودك والولد مامات.
....

فوق سدر البطانه الملكة نحن سدرنا
شارة قرانا في الوديان وعالي قدرنا
بنشيل الخوة فوق الراس وجوة سدرنا
سـعدك هل نجـمو ليـك ردنـا ودرنــا
....

سلام يالحساناب اهلي الزرق والتبرا
اهل جقلا وكلوف واهل الطبق والكسرا
مفتوح دوام ديوانن فوقن بقود الشكرا
تتلعثم حروفي من ما اشوف حوار البكرا

.....

ومن قدام هديك ظهرت معالم النيب
بلدا تاوي للمقطوع عشمانه مابيخيب
فوق سر حفايرك وفوق قعودك ونيب
حالف اجر غناك والنمه بي تهزيب
.....

وكيف ياالطندب

يالطندب سلام رديلي ماتنكسفي
وجرحك في فقد ابوك ضمديهو واشفي
الفاضل المهما قلت حقو مابوفي
في دهايم الليل البطراهو ساكت يشفي
.....

ويابلدي

يامبروكه ازنك النقول بي صوتك
ويات من جاكي عابر بتمنا مايفوتك
ناسـك دوام للجـود بوفـرو قـوتك
والديوان عرف من قديم في شروطك

قـبال الســلام سـكـينن تنقـط دم
بحجرو في الدروب بي طلاق حرم
شــايبنا جــم ضيــفانو ما بنجـم
وشافعنا بيضبح ساه ومابيحسب كم

وختام

نحنا سدارنا من خزرج نضيف تاريخنا
ونحن البكرمو الضيفان صغيرنا وشيخنا
ونحنا اليوم البتسب دم تشوف فليخنا
ونحنا بسادرالطامات براهو فريخنا

عباس الطيب الفكي علي

Admin المساهمات : 151 تاريخ التسجيل : 06/04/2016

نحن الطيبه منبعنا وكرمنا خرافي
في شان الصديق قمنا وقطعنا فيافي
يات من شافنا نحن بقول علينا عوافي
نحن العزة واسياد ضكره زينا مافي

اهلي السمته والضكره ودوي الجبخان
واهلي الكينه لي الجاهم مدنقر ؤخان
اهلي ان هاجو يا أبقلبا" دوام وسخان
بقلبو الجو ده نوعين لهلبه ودخان

اهلي الخوسه والكوكاب واهلي السيف
واهلي الضربهم (نص هامه) مو جليف
اهلي فصيله ناااااادرة بدون ريا وتزييف
واهلي الغيرهم الجود والرجاله تقيف

سيبك من كرم اهلي الفناجرة زمان
هسي بنتكي لي الضيف الجضاع وسمان
نحن صغيرنا كان مشي للبقاله ضمان
حمارة الضيف بجيبلها دستتين رمان

ودالفايده

Admin المساهمات : 151 تاريخ التسجيل : 06/04/2016

شوف كلمة سدارنه فيها سته حروف
اثنين عزه واتنين هيبه واتنين خوف
هيبه وعزه للدارسنا بالمكشوف
وللعادانا غيربارودنا قط مابشوف

باالسين سم مركن في حشاالمابينا
باالدال دانه تتفجر حنان تروينا
للعاداناكان بالشك دخل وادينا
نتحكرلو فوق هامتوونكب شاهينا

عبدالرحيم ودالفايده

باالسين سمحة خلصتنا المركبة فينا
باالدال دارانا مامسدوة من جاييينا
ألفاوافق أحمرباقي مفجرة لدينا
باالراجال لقا والحوبة بتورييينا

باالنون نارنا مابتهمد محل مارينا
وبالتاتساوي كل الامة في عينيها
سدارنه سدارنه اتنين كية للمابينا
وتاني سدارنه يوم الوزنة ماخفينا

ودالفتير السدراني

Admin المساهمات : 151 تاريخ التسجيل : 06/04/2016

مجادعات شعراء السدارنه

الهلالي

اجدع فوقو ماتخليلو صفحه ينوم.
نوعو فريد في الجيل الجديد معدوم.
اوعى تزعلو وتملا راسو هموم.
ياقوت الحضر ولابسو شت مختوم .

سليمان

جدي العنز الفوق البوادي بحوم
شبيه اماتو مابتلقاهو في الحروم
دي الخلتني فوق نار الكمائن انوم
جمالا يفوق بنات الحلة والخرطوم

ابوعمر

جدي الصحاري البي الوديّن جافل
شبيه اماتو ما بقربلو زولاً سافل
الخلتني اصبر للعذاب متماهل
جمالا يرجع الشايب العجيز جاهل

المجنوني يحي جمعه

جدي العنس العودو لين سايق
شيبه اماتو فوق العجزه تبعد سايق
انا الخلاني مرضان منو ماني مطايق
قلبي انضرا من الرحلو ارقد فايق

احمدعثمان قاسم عتار

جدي نواعس الريل الجناينو وريفه
وكح قلبي بي ريدو و صبحت تليفه
بعد ما كنت راكز في الشدايد وزيفه
خلا وراي أهلي يوماتي يقعو خليفه

ودشقيقه السدراني

انتي القمرا والباقيات اظنو نجوم
وانتي الملكة والبنوت وراكي تحوم
يا الريدك ملكني وسوا ليا هموم
شاحد ربي ريدتنا الاصيلة تدوم

عموش
سمحي سمحاحه يالمجنوني خاتي اللوم
وزيها لاخلق لاولدتو الحروم
الخلتي سته سنين مجافي النوم
جمالايفوق بنات الهندي والخرطوم

المجنوني يحي جمعه

سمحه سماحه ي عموش بتكون علمان
نديدك ندره في الخرطوم ولا عمان
انا الخلاني افووووت الريده ليا ازمان
قلبي انضراء من السكنو في ام درمان

Admin المساهمات : 151 تاريخ التسجيل : 06/04/2016

انا سدراني جد عن جد مأصل ؤحر
والعانيها كان مي داره لي بِدر
نجمة العزه يوت في بيتي لي بتخر
والكازاني امو الوالده قالت كر

#_ودالفايده

Admin المساهمات : 151 تاريخ التسجيل : 06/04/2016

سدارنه قبائل تفتخر بي ناسا
فيها رجال أسودا ديمه رافعين رأسا
كضاب البقول في يوم اهانا وداسا
خليها الأرض أسأل وكاله ناسا

Admin المساهمات : 151 تاريخ التسجيل : 06/04/2016

ملوك وزعامة''''''نفتخر إنو سادر أبينا
والبفخربها اب شنبات بسيها صبينااا
من ما قمنا بي العز ربنا معبييييييينا
نحن عدونا ما بتنفشا ليهو غبيييييينا
من عند المحس لااا النيب وسمرة كو
تلوبا شافعن نشمي ومأصل وضوووو
أهلي المدهن في المحلة بنزل شوووو
بهديلن حروفي ولي غنايا بسوووو
تسونامي البياخد كل شي في دربو
جنانا بفوقو في قوة هجومو وضربو
أهلي الدايرن لي الخير بيسمح شربو
والعاداهن الويل ليهو خسران حربو
أصالة وهيبة بي الخير ربي علا قدرنا
وكضاب البقول عز عز مكانتو قدرنا
المحن القواسي بشيل قساها سدرنا
نحن البدري ساطع في الفراسة بدرنا
عن نيل مبتغانا قسى الظروف ما بحولنا
بنعول الجرارق وود رجال ما بعوولنا
قول لي القال بحصلنا وبجينا وإطولنا
قدح ودزايد الكفا الملاييييييين هولنا
خاتيهن الخملة البكوش
لي الضيف صبيهن قاعد اهوش
فرسان وبرهبو للوحوش
صوتن بهز اعتى الجيوش
تابعين كلام سيد الورى
ولي الكاشفة كم باقين ضرا
للعركة مارقين في العرا
وكضب البقول شافهم ورا
اهلي البقابلو الموت ثبات
ما فيهم الفوق فارغة بات
عز المسايرهن شتات
حافظنو لا يوم الممات
عزا قديم مو اليوم شرق
في القمرا منحوت مو ورق
الهدد الحوت بي الغرق
بطن امو منها ما مرق
عبدالقادر شقيقه