عالي أخلاق وجهو بالضحك مردوم بجيبليك التطلبو وحتا لو معدوم كم حلحل مشاكل ورضا للمصدوم بسو في الله شان عارفها مابتدوم
بقلم الفاضل الطيب ابوضراع
زكريا عبدالرازق Admin
المساهمات : 151 تاريخ التسجيل : 06/04/2016
موضوع: رد: رثاء الفقيد المرحوم باذن الله تعالى عبدالكريم قاسم عتار الثلاثاء يناير 28, 2020 12:12 pm
أب عـاجات رحل مطر المـواجع شو خبرا" صِيتو ذي ضرب الصواعق دو عويل النايحه والحلبو الشدوق بالرو يبكو و ينعو رُكـــازة قبيله و ضو .. أب شنب التخاف هيبتو الأسود تنِزو فــارس عـكة اليوم اب عجـاجا" لـو دخــري الحُـوبه حـلال عقدة الـمِنلو ساب دنيانا عشـاي الببيتن قـو .. الأقدار مُسـطره ما بتفيد كـــان ـ لو المكتوبه بتصيب في الأرض و الجو الموت مَلَكــو لابد من يقولك كـــو حكم المولى ماضِ و نحنا شن بنسو .. مَـرَ زمانا ما ظنيت وراك إحِلو بفقدنك مجالسنا و نؤائبـا" تو عقيد جلستنا شباع البختفن فو كل دعواتنا في الجنات كمان تِعلو
بقلم احمد عثمان قاسم
زكريا عبدالرازق Admin
المساهمات : 151 تاريخ التسجيل : 06/04/2016
موضوع: رد: رثاء الفقيد المرحوم باذن الله تعالى عبدالكريم قاسم عتار الثلاثاء يناير 28, 2020 12:15 pm
راح الفارس الفضلي ومأصــل وحُر راح النفسو ما بتعرف مكايــد وضُر فارس عركة الخيـــل الدميـــها تخر ما داب روحو يجمع في القروش ويصر
رحـل الفارس الزكراهو يــــوت هافالي رحل الليدو طائلة علي الضعيف والعالي يا الشــــهم الفوايلك من ملامة خوالي تبـقي البــركة في الاولاد يلمو التالي
سخي واجواد والسخاء في المكارم زروة مشـــرع عامة ما شال هـم ضياع الثروة في الزمن القِسـي والناس تحوم للكروة من ضيم الفقر سـو هو المسـاكين ضروة
هلا ودوبــا يا الفارس الممتــن ســاسك فت قافيتـــنا قبال من يوادعــك ناسك وين مجلس شدرتك ووين عقب جلاسك طالت الغيبــة مادام التــراب فوق راسك
بقلم أ.على عمر القب
زكريا عبدالرازق Admin
المساهمات : 151 تاريخ التسجيل : 06/04/2016
موضوع: رد: رثاء الفقيد المرحوم باذن الله تعالى عبدالكريم قاسم عتار الثلاثاء يناير 28, 2020 1:26 pm
فقد العامة وحقيقة فقدآ حار ماسوالوا شينة سمحآ نفايلوا كتار صنديدآ شجاع ضربوا شديدآ حار وناسآ لطيف ظريف وجنوا هظار *** أبكن ياعيوني وصبي الدمع مدرار فوق النفسوا طيبة حافظ حقوق الجار شاحد الله الكريم الواحد الغفار الفردوس هناك تبقالوا مأوى ودار *** أبكوهو الجميع شيب شباب وصغار بي دمعآ غزير يبكن بنات عتار أسأل ربي العظيم عالم الأسرار في جنان النعيم تدخل مع الأبرار
بقلم أ. الفاضل عباس
زكريا عبدالرازق Admin
المساهمات : 151 تاريخ التسجيل : 06/04/2016
موضوع: رد: رثاء الفقيد المرحوم باذن الله تعالى عبدالكريم قاسم عتار الثلاثاء يناير 28, 2020 1:28 pm
بي يوم الجمعة بي قدرت كريما كافي. راحت مقدرة وقوه وثباتا مافي.. الرجل العظيم من قومتو صادق، وصافي.. رب العزه بي العاملها ليهو يكافي...
يبكنك خلاويا عليهن نافق. ويبكيك الكرم ال للضعيف بترافق.. كفك وابل العينه ام سمايا دافق.. ليك.، الرحمة، ياكيلت المجلي وصافق..
له الرحمة والمغفرة.. عز القبيله وسيفها الذي تبارج به.
بقلم محمد احمد الصديق عسرة
زكريا عبدالرازق Admin
المساهمات : 151 تاريخ التسجيل : 06/04/2016
موضوع: رد: رثاء الفقيد المرحوم باذن الله تعالى عبدالكريم قاسم عتار الثلاثاء يناير 28, 2020 1:30 pm
عمي قــد رحـل ودقاسم يااحباب فارقـنا اب لســان زكـّار ومــو سبّاب فــقدنً خــلا دمّــاع الخلــوق صبّاب ولي نار الحزن داخل الضلوع شبّاب
رحل الليله فشاش لي غبنة الغارم فقـدا حار بيهرس وللدواخل فارم ياب دارا مفتحـة للبيـغشــاك كارم فقـدك بالحـزن منو الكبد كم وارم