رثاء الفقيد المرحوم باذن الله تعالى عبدالكريم قاسم عتار

Admin المساهمات : 151 تاريخ التسجيل : 06/04/2016

الرحيل الحااار

كعبه الدنيا لي عز الرجال بتشيل
رحل الجودو مليار جمله ما تفصيل
رحل الأيدو زي وابل أم صهيل وهطيل
رحل الكان أسد وفي الحله باقي دليل

رحل اليوت فوق لي رؤؤسنا مكاااانو
رحل الهمو يعبد المولي ويعظم شانو
رحل أسد الفريق مين البسدا مكانو
رحل عم عبدالكريم والبركة في أخوانو

رحل الكان دوام لي غيرو ديمه بحامي
رحل البنصر المظلوم وابقا ليهو محامي
دام اخترتو عبدك الديما فاضل وحامي
أدخلو في جنانك وابقا ليهو الحامي

رحل الشوفتو بتثر وبتملي العين
رحل النفسو طاهره وعقلو مليان دين
رحل الديما باثم ماهو زول وشين
رحيلو والله نار وفراقو حنضل كين

رحل اللينا كان بنصح ويفقد الجار
رحل البي ضيوفو بفرح ويوقد النار
رحل الفقد ورحيلووووو بالحيل حار
رحل ضوووو القبيله أياهو ود عتار

عالي أخلاق وجهو بالضحك مردوم
بجيبليك التطلبو وحتا لو معدوم
كم حلحل مشاكل ورضا للمصدوم
بسو في الله شان عارفها مابتدوم

بقلم الفاضل الطيب ابوضراع

Admin المساهمات : 151 تاريخ التسجيل : 06/04/2016

أب عـاجات رحل مطر المـواجع شو
خبرا" صِيتو ذي ضرب الصواعق دو
عويل النايحه والحلبو الشدوق بالرو
يبكو و ينعو رُكـــازة قبيله و ضو
..
أب شنب التخاف هيبتو الأسود تنِزو
فــارس عـكة اليوم اب عجـاجا" لـو
دخــري الحُـوبه حـلال عقدة الـمِنلو
ساب دنيانا عشـاي الببيتن قـو
..
الأقدار مُسـطره ما بتفيد كـــان ـ لو
المكتوبه بتصيب في الأرض و الجو
الموت مَلَكــو لابد من يقولك كـــو
حكم المولى ماضِ و نحنا شن بنسو
..
مَـرَ زمانا ما ظنيت وراك إحِلو
بفقدنك مجالسنا و نؤائبـا" تو
عقيد جلستنا شباع البختفن فو
كل دعواتنا في الجنات كمان تِعلو

بقلم احمد عثمان قاسم

Admin المساهمات : 151 تاريخ التسجيل : 06/04/2016

راح الفارس الفضلي ومأصــل وحُر
راح النفسو ما بتعرف مكايــد وضُر
فارس عركة الخيـــل الدميـــها تخر
ما داب روحو يجمع في القروش ويصر

رحـل الفارس الزكراهو يــــوت هافالي
رحل الليدو طائلة علي الضعيف والعالي
يا الشــــهم الفوايلك من ملامة خوالي
تبـقي البــركة في الاولاد يلمو التالي

سخي واجواد والسخاء في المكارم زروة
مشـــرع عامة ما شال هـم ضياع الثروة
في الزمن القِسـي والناس تحوم للكروة
من ضيم الفقر سـو هو المسـاكين ضروة

هلا ودوبــا يا الفارس الممتــن ســاسك
فت قافيتـــنا قبال من يوادعــك ناسك
وين مجلس شدرتك ووين عقب جلاسك
طالت الغيبــة مادام التــراب فوق راسك

بقلم أ.على عمر القب

Admin المساهمات : 151 تاريخ التسجيل : 06/04/2016

فقد العامة وحقيقة فقدآ حار
ماسوالوا شينة سمحآ نفايلوا كتار
صنديدآ شجاع ضربوا شديدآ حار
وناسآ لطيف ظريف وجنوا هظار
***
أبكن ياعيوني وصبي الدمع مدرار
فوق النفسوا طيبة حافظ حقوق الجار
شاحد الله الكريم الواحد الغفار
الفردوس هناك تبقالوا مأوى ودار
***
أبكوهو الجميع شيب شباب وصغار
بي دمعآ غزير يبكن بنات عتار
أسأل ربي العظيم عالم الأسرار
في جنان النعيم تدخل مع الأبرار

بقلم أ. الفاضل عباس

Admin المساهمات : 151 تاريخ التسجيل : 06/04/2016

بي يوم الجمعة بي قدرت كريما كافي.
راحت مقدرة وقوه وثباتا مافي..
الرجل العظيم من قومتو صادق، وصافي..
رب العزه بي العاملها ليهو يكافي...

يبكنك خلاويا عليهن نافق.
ويبكيك الكرم ال للضعيف بترافق..
كفك وابل العينه ام سمايا دافق..
ليك.، الرحمة، ياكيلت المجلي وصافق..

له الرحمة والمغفرة.. عز القبيله وسيفها الذي تبارج به.

بقلم محمد احمد الصديق عسرة

Admin المساهمات : 151 تاريخ التسجيل : 06/04/2016

عمي قــد رحـل ودقاسم يااحباب
فارقـنا اب لســان زكـّار ومــو سبّاب
فــقدنً خــلا دمّــاع الخلــوق صبّاب
ولي نار الحزن داخل الضلوع شبّاب

رحل الليله فشاش لي غبنة الغارم
فقـدا حار بيهرس وللدواخل فارم
ياب دارا مفتحـة للبيـغشــاك كارم
فقـدك بالحـزن منو الكبد كم وارم

رحـل الكرمـو حــقاً مـاهـو قول شُعّار
باهـــــــلا كفـــــو مــابيهـــتم بالاسعار
باشش وشو مو اللي خدو يوت صعّار
فقــدو ازانا طــق فــي العامـة بالجعّار

رحيل الايدو في حلقوم عدو متسايفه
خـلّا نفوسنا لــي كـل المـطايب عايفه
كـــرماً هـولو فـي عـز الفصول الصايفه
مـلاذ الحـرة مــن بعـد الإلـــه والخايفه

يبكــوك المكـــوك اخوانك الفُرّاس
ويبكوك الجميع والحاشية والحُرّاس
ويبكنك قـداحتك دبكري اب خرّاس
ياب ضــرباً بودّر ولـي عدوك جرّاس

ابكو علـي الماصل مو لميم اجناس
بكّو العامـة امـرقو دقدقولو نحاس
يالمـــاقالـو عــنك زول فِتـن خناس
ربنا يرحمــك بالطـور وسورة الناس

تبكيك الشـيوخ دمّاعا مبهول شو
يا ودالملــوك والـد الاســــود الحو
يوم وصل الخبر بات الجميع القو
وفي كـل البلاد طق الصراخ والعو

المــوت اصـــلو حقــاً واجـــباً مثبوت
مكتوب اجـلو مـن رب العباد مضبوت
فقـدك فـي الكبـاد مـرواد مــع النبوت
واللاقانا دمعـو يصـب تقــول مخبوت

يالفقـــدك جـعل دمــام قـــلوبنا صديد
في الجود ود الكرم ماشفت ليكا نديد
ياب قلـبا صمـيم يـوم المحاصة حديد
رايك في المحن راجح صواب وسديد

اجـود فنجـري وسمتان وصاحب راي
كل زولا يقول دا الفي الشديدة ضراي
فقـــــدك للجميــــع كــم للكبــــد فرّاي
كـل واحـداً بيبكـي يقـول اخويا براي

ايدك في الكرم مطر الخريف ام صاقعه
سـند اخواتو في الدنيا وشعـبة الواقعه
يالانزلـــت آل عمـران وســـورة الواقعه
ينظــل فــي ظلالك يوم شموسك فاقعه

بقلم سليمان الصديق

Admin المساهمات : 151 تاريخ التسجيل : 06/04/2016

حقيقة رحيلو حار بالحيل وصعيب.
وحال الغراره تخطي وتصيب.
شالت اخو وعزيز صديق وحبيب
وداعا ويارب في الفردوس يلقي نصيب

بقلم عبدالله جماع

Admin المساهمات : 151 تاريخ التسجيل : 06/04/2016

حقيقه الدنيا ضل زائل محال مابدووم....

وما بزيد الاجل خطوات وإتاجل المقسووم.....

خداعه العبوس تغرز رمحها المسمووم.....

وفي عز المحل تآخد عزاز القووم..

بقلم على احمد على عتار

Admin المساهمات : 151 تاريخ التسجيل : 06/04/2016

اللهم ارحمه واغفر له وتقبله قبولا حسن
لك الرحمه عمنا
عبد الكريم قاسم عتار .
لم يشاء الشعر أن يسع المقام

كل الحي بموت يبقى الجليل القادر
علا اليوم بكن دماع نمور ود سادر
ودعتار يعد مرجع في النوايب وكادر
مان قايلنو يوم بتركنا حتو يقادر

عملك منو واثقين والكريم عطاي
قال الرحمه وسعت مزنبا خطاي
كيفن جودو ليك ياللكتاب مطاي
فقدك منو راجع كالنجوم وإبطاي

عباس الطيب الفكي ودالفكي

» رثاء الفقيد المرحوم محمد بابكر موسي ابوكليوة
» نعى الفقيد محمد بابكر موسى ابوكليوة
» أشعار الشاعر الدكتور احمد عثمان قاسم عتار
» مرحبا بالدكتور عاطف عبدالكريم
» سمع الله لمن حمده