رباعيات الدوبيت والمسادير

Admin المساهمات : 151 تاريخ التسجيل : 06/04/2016

يوم تلقانى فى درب الصلاح بسرع
ويوم همباتى بالجيم والذخيره مدرع
اكان ماخاف الكريم ولى حد التعامل شرع
اخلف ساقى فوق كرسى الملوك واضرع

Admin المساهمات : 151 تاريخ التسجيل : 06/04/2016

يوم تلقانى من حرم بوذن الكيف
ويوم فوق ضهر جقله وكلاشى السيف
يوم تلقانى نار الجبٱل فى الصيف
ويوم تلقانى موج البحر البهد القيف

Admin المساهمات : 151 تاريخ التسجيل : 06/04/2016

خاوى ود الباديه البشد ام ذور
خاوى الاصلو حر ولى ديارك اذور
اتنين اختاهم واحدا من الحمل مفذور
والتانى الخسيس وبحلف بى شهادة الذور

Admin المساهمات : 151 تاريخ التسجيل : 06/04/2016

خاوى الفوق. ضيوفو بشر وتبه
خاوى المن قام لى والدو قط ماسبه
لاتخاوى القلبو بى الشح والحساده معبه
خاوى الجودو متل وابل السماء الانكبه
*******
خاويت لى تلوب اصل البلاد والساس
منقدين نقد من خيرة الاجناس
وحات الانذل الاخلاص وسورة الناس
يات من خاضوها مبشرين بالكاس

Admin المساهمات : 151 تاريخ التسجيل : 06/04/2016

ملخوخه ووبتمشي من الكفل متسانده ..
سمحه جميله .... جدا جدا الا معانده ..
اصلها في الوسط بين الهنود والزاندا ..
لبست في الضمير بدل الحزام الباندا ..

قامتك سيسبان عم القصار مبهولك ..
عقلك ادهش الناس حاروا فيهو كهولك ..
سبحان الله يا الظبيه المراده سهولك ..
ذوقك فوق صغر سنك تقول مو هولك ..

سمعنا بيك وجينا تسوقنا ليك الفرحه ..
وصلنا لقينا تدمير والجثث منطرحه ...
غايتو حسب افادات الشهود والجرحي ..
قالوا الماتوا ديل ساعة عدلتي الطرحه

Admin المساهمات : 151 تاريخ التسجيل : 06/04/2016

سدارنه قبائل تفتخر بي ناسا
فيها رجال أسودا ديمه رافعين رأسا
كضاب البقول في يوم اهانا وداسا
خليها الأرض أسأل وكاله ناسا

Admin المساهمات : 151 تاريخ التسجيل : 06/04/2016

انا سدراني جد عن جد مأصل ؤحر
والعانيها كان مي داره لي بِدر
نجمة العزه يوت في بيتي لي بتخر
والكازاني امو الوالده قالت كر

#_ودالفايده

Admin المساهمات : 151 تاريخ التسجيل : 06/04/2016

يوما غبش. يوما مسوحنا الفِتنة.
يوم طابقين قرآن سدر القضارف بتنا..
البينة بترد بنخاصم الباهتنا.
نستر على عروضنا،،،. ونقضي وقتنا.

الليل بوبا وانقطعت طناتين ناسو.
وزري المولى والقرد البسك ضراسو.
بكار القرقف السيدن متفف راسو.
بنجيبن نقود للوجوجن خراسو.

Admin المساهمات : 151 تاريخ التسجيل : 06/04/2016

مكنتك شركة لا (بودنك)وسيع صندوقك
وغيـر زولا مـكـرب زنـدو عـاد مابسـوقك
بتطوي الـواطـة تنفخ في الغبار بشدوقك
تحصل بدري بي بضاعتك وتدخل سوقك
مو تجميع مكنتك جاية صم تخشيبة
فيك العمرة جاهزة البوهية والتكشيبة
مابتكل محل،،،،،،، ماشحنتك ماشيبا
عندك فتحة،،،،، البودن تقول توشيبا.